கஞ்சா விற்றவர் கைது

திருப்புவனம்,

திருப்புவனம் அருகே உள்ள கழுகேர்கடை விலக்கு பகுதியில் கஞ்சா விற்பனை நடைபெறுவதாக போலீசாருக்கு தகவல் கிடைத்தது. அதன்பேரில் திருப்புவனம் போலீஸ் சப்-இன்ஸ்பெக்டர் ராமசுப்பிரமணியன் மற்றும் போலீசார் அங்கு ரோந்து சென்றனர். அப்போது அந்த பகுதியில் நின்ற நபரை சந்தேகத்தின் பேரில் பிடித்து சோதனை செய்தபோது அவர் கஞ்சா விற்பனைக்காக வைத்திருந்தது தெரியவந்தது. இது குறித்து இன்ஸ்பெக்டர் ஆதிலிங்கம்போஸ் வழக்குப்பதிவு செய்து கஞ்சா விற்பனை செய்ததாக முத்துப்பாண்டி என்கிற அருவாபாண்டியை (வயது 39) கைது செய்தார். அவரிடமிருந்து 1 கிலோ 100 கிராம் கஞ்சா பறிமுதல் செய்யப்பட்டது.