கொரோனா தடுப்பு விழிப்புணர்வு கருத்தரங்கு

சேரன்மாதேவி:

கோபாலசமுத்திரம் கிராம உதயம் தலைமை அலுவலகத்தில் கொரோனா தடுப்பு மற்றும் டெங்கு காய்ச்சல் கொசுப்புழு ஒழிப்பு விழிப்புணர்வு கருத்தரங்கு நடைபெற்றது. கிராம உதயம் நிர்வாக இயக்குனர் சுந்தரேசன் தலைமை தாங்கினார். ஆலோசனை குழு உறுப்பினர் வக்கீல் புகழேந்தி பகத்சிங் முன்னிலை வகித்தார். தன்னார்வ தொண்டர் பூல்பாண்டி வரவேற்று பேசினார்.

கிராம உதயம் நிர்வாக மேலாளர் மகேஷ்வரி, பகுதி பொறுப்பாளர் செந்தில்குமார், தலைமை கணக்காளர் சுமிதா ஆகியோர் பேசினர். கிராம உதயம் தன்னார்வ தொண்டர்கள், உறுப்பினர்கள், பொதுமக்கள் கலந்து கொண்டனர். தன்னார்வ தொண்டர் மாதவி நன்றி கூறினார். கிராம உதயம் நிர்வாக இயக்குனர் சுந்தரேசன் பொதுமக்களுக்கு கொரோனா தடுப்பு மற்றும் டெங்கு கொசுப்புழு ஒழிப்பு விழிப்புணர்வு துண்டு பிரசுரங்களை வழங்கினார்.