சர்வதேச முதியோர் தின விழா

களக்காடு:

களக்காடு அருகே உள்ள கடம்போடுவாழ்வு செயிண்ட் ஜோசப் கல்வியியல் கல்லூரியில் சர்வதேச முதியோர் தினவிழா நடந்தது. நெல்லை மாவட்ட வருவாய் அதிகாரி (ஒழுங்கு நடவடிக்கை) சுகன்யா தலைமை தாங்கினார். மூன்றாவது கூடுதல் மாவட்ட நீதிபதி பன்னீர்செல்வம் முதியவர்களுக்கு பரிசுகள் மற்றும் நலத்திட்ட உதவிகள் வழங்கினார். மேலும் நாங்குநேரி தொகுதியில் 80 வயதுக்கு மேற்பட்ட 3 பேருக்கு பாராட்டு சான்றிதழ்களும் வழங்கினார். விழாவில் சமூக நல அதிகாரி தனலெட்சுமி, நாங்குநேரி தாசில்தார் இசக்கி பாண்டி, கல்வியியல் கல்லூரி தாளாளர் தமிழ்செல்வன், பொன்னுமுத்து, கள்ளிகுளம் பஞ்சாயத்து தலைவர் ரெங்க ராமகிருஷ்ணன் உள்பட பலர் கலந்து கொண்டனர்.