செண்பகவல்லி அம்மன் கோவிலில் சனி பிரதோஷ விழா

கோவில்பட்டி:

கோவில்பட்டி செண்பகவல்லி அம்மன் கோவிலில் சனி பிரதோஷ விழா நேற்று மாலையில் நடந்தது. இதையொட்டி நடை திறக்கப்பட்டு பூஜையும், செண்பகவல்லி அம்மன், பூவனநாத சுவாமி, நந்தியம் பெருமாளுக்கு சிறப்பு அபிஷேகம், தீபாராதனையும் நடந்தது. மகா சிவராத்திரியை முன்னிட்டு இரவில் முதல், 2-ம், 3-ம், 4-ம் கால பூஜைகள் நடந்தது. இதில் ஏராளமான பக்தர்கள் கலந்து கொண்டு சாமி தரிசனம் செய்தனர். கோவில்பட்டி வீரவாஞ்சி நகர் சங்கரலிங்க சுவாமி சமேத சங்கரேஸ்வரி அம்மன் புற்றுக்கோவிலில் மகா பிரதோஷ விழா நடந்தது. இதில் திரளான பக்தர்கள் கலந்து கொண்டனர்.