கருங்கலில் போதை பழக்கத்திற்கு எதிராக கையெழுத்து இயக்கம்

கருங்கல்,

கருங்கலில் போதை பழக்கத்திற்கு எதிராக கையெழுத்து இயக்கம் நடந்தது.

கையெழுத்து இயக்கம்

இந்திய ஜனநாயக வாலிபர் சங்கம் சார்பில் போதையில்லா தமிழகத்தை உருவாக்க வலியுறுத்தி ஒரு கோடி கையெழுத்து வாங்கி அரசிடம் ஒப்படைக்கும் நிகழ்ச்சியை நடத்த உள்ளது. அதன் ஒரு பகுதியாக கிள்ளியூர் கிழக்கு வட்டார கமிட்டி சார்பில் போதை பழக்கத்திற்கு எதிராக கையெழுத்திடும் நிகழ்ச்சி கருங்கல் பஸ் நிலையம் முன்பு நடைபெற்றது.

இந்த நிகழ்ச்சிக்கு வட்டார தலைவர் ரசல்ராஜ் தலைமை தாங்கினார். வட்டார செயலாளர் நந்தகுமார், மாவட்ட செயலாளர் எட்வின் பிரைட், முன்னாள் தலைவர்கள் எபிலைசியஸ் ஜோயல், ராஜா, சோபனராஜ் ஆகியோர் வாழ்த்தி பேசினர். நிகழ்ச்சியில் வட்டார நிர்வாகிகள் மற்றும் பலர் கலந்து கொண்டனர்.