தர்மபுரி ஏல அங்காடியில் ரூ.30 லட்சத்து 93 ஆயிரத்துக்கு பட்டுக்கூடுகள் விற்பனை

தர்மபுரி:

தர்மபுரியில் பட்டு வளர்ச்சித்துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகின்றனர். இந்த அங்காடிக்கு கடந்த 3-ந் தேதி பட்டுக்கூடுகள் வரத்து கணிசமாக அதிகரித்து காணப்பட்டது. அதன்படி விவசாயிகள் 4,882 கிலோ பட்டுக்கூடுகளை விற்பனைக்கு கொண்டு வந்திருந்தனர். ஒரு கிலோ பட்டுக்கூடு அதிகபட்சமாக ரூ.743-க்கும், குறைந்தபட்சமாக ரூ.459-க்கும், சராசரியாக ரூ.633.63-க்கும் விற்பனையானது. மொத்தம் ரூ.30 லட்சத்து 93 ஆயிரத்து 624-க்கு பட்டுக்கூடுகள் விற்பனை ஆனது.