தர்மபுரி ஏல அங்காடியில் பட்டுக்கூடுகள் விலை குறைந்தது

தர்மபுரி:

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகிறார்கள். நேற்று முன்தினம் இந்த அங்காடியில் ஒரு கிலோ பட்டுக்கூடு அதிகபட்சமாக ரூ.745-க்கு விற்பனையானது. நேற்று 2,266 கிலோ பட்டுக்கூடுகளை விவசாயிகள் விற்பனைக்கு கொண்டுவந்திருந்தனர். பட்டுக்கூடுகள் கிலோவிற்கு ரூ.19 விலை குறைந்து, அதிகபட்சமாக ரூ.726-க்கும், குறைந்தபட்சமாக ரூ.570-க்கும், சராசரியாக ரூ.672-க்கும் விற்பனையானது. மொத்தம் ரூ.15 லட்சத்து 25 ஆயிரத்துக்கு பட்டுக்கூடு வர்த்தகம் நடந்தது.