தர்மபுரி ஏல அங்காடியில் ரூ.21¾ லட்சத்துக்கு பட்டுக்கூடுகள் ஏலம்

தர்மபுரி:

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகிறார்கள். இந்த அங்காடிக்கு நேற்று முன்தினம் 758 கிலோவாக இருந்த பட்டுக்கூடுகள் வரத்து, நேற்று 3 ஆயிரத்து 344 கிலோவாக அதிகரித்தது. நேற்று ஒரு கிலோ பட்டுக்கூடு அதிகபட்சமாக ரூ.726-க்கும், குறைந்தபட்சமாக ரூ.533-க்கும், சராசரியாக ரூ.652.29-க்கும் விற்பனையானது. மொத்தம் ரூ.21 லட்சத்து 81 ஆயிரத்துக்கு பட்டுக்கூடு ஏலம் போனது.