தர்மபுரி ஏல அங்காடியில் பட்டுக்கூடுகள் விலை அதிகரிப்பு

தர்மபுரி:

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகிறார்கள். இந்த அங்காடிக்கு நேற்று முன்தினம் 2 ஆயிரத்து 103 கிலோ பட்டுக்கூடுகள் விற்பனைக்கு கொண்டு வரப்பட்டன. ஒரு கிலோ பட்டுக்கூடு அதிகபட்சமாக ரூ.756-க்கு விற்பனையானது. நேற்று 1,870 கிலோ பட்டுக்கூடுகள் விற்பனைக்கு வந்தன. நேற்று பட்டுக்கூடுகள் கிலோவுக்கு ரூ.37 அதிகரித்தது. அதன்படி ஒரு கிலோ பட்டுக்கூடு அதிகபட்சமாக ரூ.793-க்கும், குறைந்தபட்சமாக ரூ.565-க்கும், சராசரியாக ரூ.725.35-க்கும் விற்பனையானது. மொத்தம் ரூ.13 லட்சத்து 56 ஆயிரத்துக்கு பட்டுக்கூடு வர்த்தகம் நடந்தது.