தர்மபுரி ஏல அங்காடியில் ரூ.22½ லட்சத்துக்கு பட்டுக்கூடுகள் விற்பனை

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகிறார்கள். இந்த அங்காடிக்கு நேற்று முன்தினம் 5 டன் 853 கிலோவாக இருந்த பட்டுக்கூடுகள் வரத்து நேற்று 3 டன் 623 கிலோவாக குறைந்தது.

நேற்று ஒரு கிலோ பட்டுக்கூடு அதிகபட்சமாக ரூ.721-க்கும், குறைந்தபட்சமாக ரூ.511-க்கும், சராசரியாக ரூ.624.18-க்கும் விற்பனையானது. மொத்தம் ரூ.22 லட்சத்து 61 ஆயிரத்து 422 மதிப்பில் பட்டுக்கூடுகள் விற்பனை செய்யப்பட்டது.