பட்டுக்கூடுகள் வரத்து குறைந்தது

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து பட்டுக்கூடுகள் விற்பனைக்கு கொண்டு வரப்படுகிறது. இந்த அங்காடிக்கு நேற்று முன்தினம் 3¼ டன் பட்டுக்கூடுகள் வரத்து இருந்த நிலையில் நேற்று 1¼ டன்னாக குறைந்தது. நேற்று ஒரு கிலோ அதிகபட்சமாக ரூ.717, குறைந்தபட்சமாக ரூ.506, சராசரியாக ரூ.616.06 என்ற விலைகளில் பட்டுக்கூடுகள் விற்பனை செய்யப்பட்டன. மொத்தம் ரூ.8 லட்சத்து 20 ஆயிரத்து 832 மதிப்பில் பட்டுக்கூடுகள் விற்பனை ஆனது.