பள்ளி தலைமை ஆசிரியர்களுக்கு திறன் வளர்ப்பு பயிற்சி

நாகை மாவட்ட கலெக்டர் அலுவலகத்தில் சமூகபாதுகாப்புத்துறை மற்றும் மாவட்ட குழந்தைகள் பாதுகாப்பு அலகு சார்பில் பள்ளி தலைமை ஆசிரியர்களுக்கான திறன் வளர்ப்பு பயிற்சி நடந்தது. இதை கலெக்டர் ஜானி டாம் வர்கீஸ் குத்துவிளக்கேற்றி தொடங்கி வைத்தார். தலைமை குற்றவியல் நீதிபதி கார்த்திகா முன்னிலை வகித்தார். இதில் முதியோர் கொடுஞ்செயல் எதிர்ப்பு உறுதிமொழியினை அனைத்துதுறை அரசு அலுவலர்கள் எடுத்துக்கொண்டனர். நிகழ்ச்சியில் மாவட்ட முதன்மை கல்வி அலுவலர் சுபாஷினி, மாவட்ட குழந்தைகள் பாதுகாப்பு அலுவலர் எழிலரசி, செய்தி மக்கள் தொடர்பு அலுவலர் செல்வகுமார் மற்றும் பள்ளி தலைமையாசிரியர்கள் கலந்து கொண்டனர்.