கால்நடைகளுக்கான பெரியம்மை நோய் தடுப்பூசி முகாம்

நொய்யல் கால்நடை மருத்துவமனையின் கால்நடை பராமரிப்புத்துறை சார்பில் குளத்துப்பாளையம், காளிபாளையம் பகுதிகளில் கால்நடைகளுக்கான பெரியம்மை நோய் தடுப்பூசி முகாம் நடைபெற்றது. முகாைம கரூர் மாவட்ட கால்நடை பராமரிப்பு துறை மண்டல இணை இயக்குனர் பாஸ்கர் தொடங்கி வைத்தார். கால்நடை பராமரிப்புத்துறை மண்டல உதவி இயக்குனர் அள்ளி அருள்குமாரி முன்னிலை வகித்தார். நொய்யல் கால்நடை மருத்துவமனை டாக்டர் உஷா தலைமையிலான குழுவினர், 200-க்கும் மேற்பட்ட கால்நடைகளுக்கு பெரியம்மை நோய் தடுப்பூசி போட்டனர். பின்னர் கால்நடைகளை தாக்கும் நோய்கள் குறித்து விழிப்புணர்வு ஏற்படுத்தப்பட்டது.