கலிதீர்த்த அய்யனார் கோவிலில் சிறப்பு அபிஷேகம்

வாய்மேடு:

வாய்மேட்டை அடுத்த ஆயக்காரன்புலத்தில் கலிதீர்த்த அய்யனார் கோவில் உள்ளது. இக்கோவிலில் ஆடிமாத தேய்பிறை அஷ்டமியையொட்டி சிறப்பு அபிஷேக ஆராதனை நடைபெற்றது. முன்னதாக அய்யனார் சாமிக்கு பால், பன்னீர், இளநீர், சந்தனம், நெய், திருநீறு, தேன், திரவியம் உள்ளிட்டவைகளால் அபிஷேகம் நடைபெற்றது. பின்னர் சாமி வண்ண மலர்களால் அலங்கரிக்கப்பட்டு, மகாதீபாராதனை காண்பிக்கப்பட்டது. இதில் ஏராளமான பக்தர்கள் கலந்து கொண்டு சாமி தரிசனம் செய்தனர்.