கோவில்களில் நந்தீஸ்வரருக்கு சிறப்பு அபிஷேகம்

மெஞ்ஞானபுரம்:

மெஞ்ஞானபுரம் அருகே உள்ள நங்கைமொழி காளத்தீஸ்வரர் கோவிலில் பிரதோஷ விழா நடைபெற்றது. விழாவில் சுவாமிக்கும், நந்தீஸ்வரருக்கும் பால், தயிர், இளநீர், பன்னீர், விபூதி, சந்தனம் உள்பட பல்வேறு வகையான அபிஷேக பொருட்களால் அபிஷேகம் மற்றும் அலங்கார தீபாராதனைகள் நடந்தது.

விழாவில் திரளான பக்தர்கள் கலந்துகொண்டு சாமி தரிசனம் செய்தனர். ஏற்பாடுகளை பிரதோஷ அறக்கட்டளையினர் செய்திருந்தனர்.

இதேபோல் சாத்தான்குளம் அருகே கட்டாரிமங்கலத்தில் நடராஜரின் பஞ்ச விக்ரக ஸ்தலமாக விளங்கி வரும் சிவகாமி அம்பாள் சமேத அழகிய கூத்தர் கோவிலிலும் பிரதோஷத்தையொட்டி சிறப்பு வழிபாடு நடைபெற்றது. இதில் திரளான பக்தர்கள் கலந்து கொண்டனர்.