ஓட்டுனர் உரிமம் பெற சிறப்பு முகாம்

கும்பகோணம் வட்டார போக்குவரத்து அலுவலகத்தில் ஓட்டுனர் உரிமம் தொடர்பான பொதுமக்களின் விண்ணப்பங்கள் ஏராளமாக நிலுவையில் உள்ளது. இதையடுத்து பொதுமக்களின் வசதிக்காக கும்பகோணம் வட்டார போக்குவரத்து அலுவலகத்தில் வருகிற 26-ந் தேதி (சனிக்கிழமை) ஓட்டுனர் உரிமம் பெறுதல் மற்றும் புதுப்பித்தல் உள்ளிட்ட பணிகள் தொடர்பான முகாம் நடைபெற உள்ளது. இதை பொதுமக்கள் பயன்படுத்திக்கொள்ளலாம் என வட்டார போக்குவரத்து அலுவலர் முருகன் தெரிவித்துள்ளார்.