ஆங்கில புத்தாண்டையொட்டி வீரகனூர் கங்கா சவுந்தரீஸ்வரர் கோவிலில் சிறப்பு பூஜை

தலைவாசல்:

தலைவாசல் அருகே உள்ள வீரகனூரில் கங்கா சவுந்தரீஸ்வரர் கோவிலில் ஆங்கில புத்தாண்டையொட்டி சிறப்பு பூஜை நடந்தது. இதைத்தொடர்ந்து சாமிக்கு பால், பன்னீர், இளநீர், தேன், சந்தனம் மற்றும் பல்வேறு திரவியங்களால் சிறப்பு அபிஷேகம் செய்யப்பட்டது. பின்னர் உலக நன்மைக்காக சிறப்பு அர்ச்சனை செய்யப்பட்டது. இதையொட்டி சாமி சிறப்பு அலங்காரத்தில் பக்தர்களுக்கு அருள்பாலித்தார். இதில் வீரகனூர் மற்றும் சுற்று வட்டார பகுதிகளை சேர்ந்த பக்தர்கள் திரளாக கலந்து கொண்டு சாமி தரிசனம் செய்தனர்.