அம்மன் கோவில்களில் சிறப்பு பூஜை

தாயில்பட்டி,

வெம்பக்கோட்டை அருகே உள்ள விஜயகரிசல்குளம் துர்க்கை அம்மன் கோவிலில் ஆடி வெள்ளிக்கிழமையை முன்னிட்டு சிறப்பு வழிபாடு நடைபெற்றது. முன்னதாக அம்மனுக்கு பால், பன்னீர், இளநீர், சந்தனம், திருநீறு, உள்பட 16 வகையான பொருட்களால் அபிஷேகம் செய்யப்பட்டது. அதனைத்தொடர்ந்து அம்மனுக்கு சிறப்பு அலங்காரம் நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர். அதேபோல தாயில்பட்டி பச்சையாபுரம் பத்திரகாளி அம்மன் கோவில், கோட்டையூர் சக்தி மாரியம்மன் கோவில், வெற்றிலையூரணி காளியம்மன் கோவில், கணஞ்சாம்பட்டி பாதாள துர்க்கை அம்மன் கோவில், வனமூர்த்தி லிங்காபுரம் காளியம்மன் கோவில், கீழச்செல்லையாபுரம் சுந்தாளம்மன் கோவில், செல்லியம்மன் கோவில், முத்தாண்டியாபுரம் காளியம்மன் கோவில், செவல்பட்டி காளியம்மன் கோவில், சுப்பிரமணியபுரம் காளியம்மன் கோவில் உள்ளிட்ட அம்மன் கோவில்களிலும் சிறப்பு வழிபாடு நடந்தது.