உடுமலையில் உள்ள கிறிஸ்தவ ஆலயங்களில் ஆங்கில புத்தாண்டையொட்டி சிறப்பு ஆராதனை நடந்தது. இதில் கிறிஸ்தவர்கள் திரளாக கலந்து கொண்டனர்.

உடுமலை

உடுமலையில் உள்ள கிறிஸ்தவ ஆலயங்களில் ஆங்கில புத்தாண்டையொட்டி சிறப்பு ஆராதனை நடந்தது. இதில் கிறிஸ்தவர்கள் திரளாக கலந்து கொண்டனர்.

ஆங்கில புத்தாண்டு

ஆங்கில புத்தாண்டு தினத்தையொட்டி உலகம் முழுவதும் உள்ள கிறிஸ்த ஆலயங்களில் நேற்று சிறப்பு ஆராதனைகள் நடந்தது. உடுமலையில் கிறிஸ்தவ ஆலயங்களில் நேற்று முன்தினம் நள்ளிரவு மற்றும் நேற்று காலை புத்தாண்டு சிறப்பு ஆராதனை நடந்தது. உடுமலை தளிசாலையில் உள்ள சி.எஸ்.ஐ.

இம்மானுவேல் ஆலயத்தில் புத்தாண்டையொட்டி சிறப்பு ஆராதனை நடந்தது. மாலையில் கலைநிகழ்ச்சிகள் நடந்தது. நிகழ்ச்சிகளுக்கான ஏற்பாடுகளை தென்னிந்திய திருச்சபை திருச்சி தஞ்சை திருமண்டலம் உடுமலை நகர சேகரத்தலைவர் எஸ்.சுதர்சன், சி.எஸ்.ஐ. இம்மானுவேல் ஆலய ஆயர் எஸ்.மேரி செல்வராணி, உதவி ஆயர் கே.எல்.லுத்தர், சேகர செயலாளர் டி.பால் ஜெயச்சந்திரன், பொருளாளர் ஏ.ஜெயக்குமார் மற்றும் ஆலய சபை மக்கள் செய்திருந்தனர்.

பள்ளபாளையத்தில் உள்ள தூய பவுல் ஆலயத்தில் சிறப்பு ஆராதனை நடந்தது.உடுமலை பழனி சாலையில் உள்ள சி.எஸ்.ஐ.கிறிஸ்துநாதர் ஆலயத்தில் ரெவரெண்ட் செல்வராஜ் சிறப்பு ஆராதனையை நடத்தினார். புத்தாண்டு சிறப்பு ஆராதனை நிகழ்ச்சிகளில்சி.எஸ்.ஐ.கிறிஸ்தவ ஆலய உடுமலை மறைமாவட்ட சொத்து நிதிக்குழு அலுவலர் டி.மலர் ஸ்டீபன் உள்ளிட்டு கிறிஸ்தவர்கள் திரளாக கலந்து கொண்டனர்.

அற்புத அன்னை ஆலயம்

உடுமலை தளிசாலையில் உள்ள அருள்நிறை அற்புத அன்னை ஆலயத்தில் புத்தாண்டையொட்டி சிறப்பு திருப்பலி நடந்தது. உடுமலை வி.வி.லே-அவுட் பகுதியில் உள்ள புனித செபஸ்தியார் ஆலயத்தில் சிறப்பு திருப்பலி நடந்தது.இதேபோன்று உடுமலை மற்றும் சுற்றுவட்டாரப்பகுதிகளில் உள்ள கிறிஸ்தவ ஆலயங்களில் புத்தாண்டு தினத்தையொட்டி சிறப்பு ஆராதனை, சிறப்பு திருப்பலி நடந்தன.புத்தாண்டு விழாவையொட்டி கிறிஸ்தவ ஆலயங்கள் மின்னொலியில் ஜொலிக்கின்றன.