பார்த்தசாரதி பெருமாள் கோவிலில் சிறப்பு வழிபாடு

திருவெண்காடு:

திருவெண்காடு அருகே பார்த்தன்பள்ளி கிராமத்தில் பார்த்தசாரதி பெருமாள் கோவில் உள்ளது. இந்த கோவிலில் கடந்த 19-ந் தேதி பிரம்மோற்சவ விழா தொடங்கி நடந்து வருகிறது. விழாவின் 3-வது நாளான நேற்று பெருமாள் மற்றும் தாயாருக்கு சிறப்பு அபிஷேகம் மற்றும் வழிபாடுகள் நடந்தன. தொடர்ந்து வேணுகோபால் அலங்காரத்தில் பக்தர்களுக்கு பெருமாள் காட்சி அளித்தார். இதில், திரளான பக்தர்கள் கலந்து கொண்டு பெருமாளை தரிசித்தனர். இதற்கான ஏற்பாடுகளை பரம்பரை அறங்காவலர்கள் கிருஷ்ணகுமார் பட்டாச்சாரியார், பட்டாபிராம பட்டாச்சாரியார் ஆகியோர் செய்திருந்தனர்.