கோவில்களில் சிறப்பு வழிபாடு

நீடாமங்கலம்:

நீடாமங்கலம் சந்தானராமர் கோவிலில் ஆடிப்பூர விழா சிறப்பு வழிபாடு நடைபெற்றது. இதனை முன்னிட்டு சீதா, லெட்சுமண, அனுமன் சமேத சந்தானராமர் மற்றும் பரிவார தெய்வங்களுக்கு சிறப்பு அபிஷேக, ஆராதனைகள், அலங்காரம் செய்யப்பட்டு மகாதீபாராதனை காண்பிக்கப்பட்டது. இதில் திரளான பக்தர்கள் கலந்து கொண்டனர். இதற்கான ஏற்பாடுகளை கோவில் தக்கார் ரமேஷ், ஆய்வாளர் ராசி, செயல்அலுவலர் மணிகண்டன் மற்றும் சந்தானராம கைங்கர்ய சபாவினர் செய்திருந்தனர். இதேபோல் வல்லபநாதர் கோவிலில் அம்மனுக்கு வளையல் அலங்காரம் செய்யப்பட்டது. சாமுண்டீஸ்வரி அம்மன், கற்பகவல்லி அம்மன், ராஜராஜேஸ்வரி அம்மன் ஆகிய சன்னதிகளிலும் சிறப்பு அபிஷேகம் செய்யப்பட்டது. திருமக்கோட்டை அங்காளம்மன், ஞானபுரீஸ்வரர் கோவில்களில் சிறப்பு வழிபாடு நடந்தது.