சிவன் கோவில்களில் பைரவருக்கு சிறப்பு வழிபாடு

வலங்கைமான்:

தேய்பிறை அஷ்டமியையொட்டி சிவன் கோவில்களில் உள்ள பைரவருக்கு சிறப்பு வழிபாடு நடந்தது.

சிறப்பு வழிபாடு

திருமக்கோட்டையில் ஞானபுரீஸ்வரர் கோவில் உள்ளது. இந்த கோவிலில் உள்ள காலபைரவருக்கு தேய்பிறை அஷ்டமியை முன்னிட்டு சிறப்பு வழிபாடு நடந்தது. முன்னதாக காலபைரவருக்கு வடமாலை சாத்தப்பட்டது.

மேலும் சிவபெருமானுக்கு சிறப்பு பூஜை நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர். இதற்கான ஏற்பாடுகளை கோவில் நிர்வாகிகள் செய்திருந்தனர்.

வலங்கைமான்

இதேபோல வலங்கைமான் வைத்தீஸ்வரன் கோவிலில் உள்ள காலபைரவர், ஆவூர் பசுபதீஸ்வரர் கோவிலில் உள்ள பஞ்ச பைரவர், வலங்கைமான்அருணாச்சலேஸ்வரர் கோவில், கைலாசநாதர், காசிவிசுவநாதர்,விருப்பாட்சிபுரம் ஏகாம்பரேஸ்வரர், அரித்துவாரமங்கலம் பாதாளேஸ்வரர், நல்லூர் கல்யாண சுந்தரேஸ்வரர், சந்திரசேகரபுரம் சந்திரமௌலீஸ்வரர் உள்ளிட்ட சிவன் கோவில்களில் உள்ள கால பைரவருக்கு சிறப்பு வழிபாடு நடந்தது. இதில் திரளான பக்தர்கள் கலந்துகொண்டு சாமி தரிசனம் செய்தனர்.