விஷம் குடித்து மாணவி தற்கொலை

திருமங்கலம்

திருமங்கலம் அருகே கட்டத்தேவன்பட்டியை சேர்ந்தவர் பாண்டி. இவரது மகள் மனோஸ்ரீ (வயது 18). இவர் 12-ம் வகுப்பு முடித்துள்ளார். இவரை கல்லூரியில் சேர்ப்பதற்கு பெற்றோர் முயற்சி செய்து வந்துள்ளனர். இந்நிலையில் மனோ ஸ்ரீ நான் கல்லூரியில் சேரவில்லை எனக் கூறி மறுத்துள்ளார். இந்த நிலையில் பெற்றோர் வயலுக்கு சென்று விட்டனர். மீண்டும் வீட்டுக்கு வந்து பார்த்தபோது மனோஸ்ரீ விஷம்குடித்து மயங்கி கிடந்துள்ளார். அவரை மீட்டு சிகிச்சைக்காக உசிலம்பட்டி அரசு மருத்துவமனைக்கு கொண்டு சென்றனர். ஆனால் பரிசோதனை செய்த டாக்டர்கள் வரும் வழியில் மனோ ஸ்ரீ இறந்து விட்டதாக தெரிவித்தனர். இச்சம்பவம் குறித்து தந்தை பாண்டி கொடுத்த புகாரின் அடிப்படையில் சிந்துபட்டி போலீசார் வழக்கு பதிவு செய்து விசாரித்து வருகின்றனர்.