பிக்கம்பட்டி ஊராட்சி நடுநிலைப்பள்ளியில் மாணவர்களுக்கு தென்னங்கன்றுகள் வழங்கும் நிகழ்ச்சி

பென்னாகரம்:

பென்னாகரம் ஒன்றியம் பிக்கம்பட்டி ஊராட்சி ஒன்றிய நடுநிலைப்பள்ளியில் 9-வது ஆண்டாக பள்ளியில் புதிதாக சேர்ந்த மாணவர்கள், அங்கு படிக்கும் 120 மாணவர்கள், பெற்றோர்களுக்கு தென்னங்கன்றுகள் வழங்கும் நிகழ்ச்சி நடந்தது. வட்டார கல்வி அலுவலர் துளசிராமன் தலைமை தாங்கினார். பிளியனூர் ஊராட்சி மன்ற தலைவர் ராஜ்குமார் முன்னிலை வகித்தார். தலைமை ஆசிரியர் சரவணன் வரவேற்றார். இதையடுத்து ஆசிரியர் தாமோதரன் ஏற்பாட்டில் மாணவர்கள் மற்றும் பெற்றோர்களுக்கு தென்னங்கன்றுகள் வழங்கப்பட்டன. இதில் ஆசிரியர்கள் ஜவஹர், ஜான்மா, சுரேஷ், ரமேஷ், பள்ளி மேலாண்மை குழு தலைவி புஷ்பராணி, இயற்கை ஆர்வலர்கள் மணிகண்டன், கோவிந்தசாமி, தம்பிதுரை, ஆறுமுகம் உள்பட பலர் கலந்து கொண்டனர்.