கல்லூரி மாணவர் திடீர் சாவு

ஸ்ரீவில்லிபுத்தூர்,

ஸ்ரீவில்லிபுத்தூர் அருகே உள்ள பாட்டகுளத்தை சேர்ந்தவர் ஜோசப் (வயது 46). இவரது மகன் மெல்வின் கிறிஸ்டோபர் (19). கல்லூரியில் படித்து வந்த இவர் திடீரென கல்லூரியில் மயங்கி விழுந்ததாக கூறப்படுகிறது. பின்னர் அவர் வீட்டிற்கு வந்தார். இதையடுத்து அவர் வீட்டில் மீண்டும் மயங்கி விழுந்ததாக கூறப்படுகிறது.

உடனே அவரை மீட்டு ஸ்ரீவில்லிபுத்தூர் அரசு ஆஸ்பத்திரிக்கு கொண்டு சென்றனர். அங்கு அவரை பரிசோதனை செய்த டாக்டர்கள், அவர் இறந்து விட்டதாக தெரிவித்தனர். இதுகுறித்து ஜோசப் கொடுத்த புகாரின் பேரில் கிருஷ்ணன்கோவில் போலீசார் வழக்குப்பதிவு செய்து விசாரணை நடத்தி வருகின்றனர்.