திருமணமாகாத ஏக்கத்தில் கட்டிட தொழிலாளி தூக்குப்போட்டு தற்கொலை

தேன்கனிக்கோட்டை:

கிருஷ்ணகிரி மாவட்டம் தேன்கனிக்கோட்டை யாரப் நகரை சேர்ந்தவர் கணேசன் (வயது 30). கட்டிட தொழிலாளி. இவருக்கு இன்னும் திருமணமாகவில்லை. இதனால் திருமணமாகாத ஏக்கத்தில் இருந்த கணேசன் நேற்று முன்தினம் இரவு வீட்டில் உள்ள குளியலறையில் தூக்குப்போட்டு கொண்டார். இதை பார்த்து அதிர்ச்சி அடைந்த உறவினர்கள் அவரை மீட்டு சிகிச்சைக்காக தேன்கனிக்கோட்டை அரசு ஆஸ்பத்திரியில் சேர்த்தனர். அங்கு அவரை பரிசோதனை செய்த டாக்டர் கணேசன் ஏற்கனவே இறந்து விட்டதாக தெரிவித்தார். இந்த தற்கொலை சம்பவம் குறித்து தேன்கனிக்கோட்டை போலீசார் வழக்குப்பதிவு செய்து விசாரணை நடத்தி வருகின்றனர்.