சூளகிரி அருகே தனியார் நிறுவன ஊழியர் தற்கொலை

சூளகிரி:

சூளகிரி அருகே உள்ள கோனேரிப்பள்ளியை சேர்ந்தவர் சுரேஷ் (வயது 35). தனியார் நிறுவன ஊழியர். இவருக்கு மது குடிக்கும் பழக்கம் இருந்தது. இதனால் இவருக்கும், இவருடைய மனைவிக்கும் இடையே குடும்ப பிரச்சினை ஏற்பட்டது. இதன் காரணமாக கடந்த 1½ ஆண்டுகளுக்கு முன்பு மனைவி அவரை பிரிந்து சென்று விட்டார். இந்தநிலையில் சுரேஷ் திடீரென தான் தங்கி இருந்த வீட்டில் தூக்குப்போட்டு தற்கொலை செய்து கொண்டார். இந்த சம்பவம் குறித்து சூளகிரி போலீசார் வழக்குப்பதிவு செய்து விசாரணை நடத்தி வருகிறார்கள்.