வெங்கரை அருகே கூலித்தொழிலாளி தூக்குப்போட்டு தற்கொலை

பரமத்திவேலூர்:

பரமத்திவேலூர் தாலுகா வெங்கரை அருகே உள்ள தேங்குபெருமாள்பாளையத்தை சேர்ந்தவர் சுந்தரவடிவேலு. இவருடைய மனைவி காமாட்சி. இவர்களது மகன் தினேஷ் (20). கூலித்தொழிலாளி. இவர் அடிக்கடி மது குடித்து விட்டு வீட்டுக்கு வந்ததை தாய் கண்டித்ததாக கூறப்படுகிறது. இதனால் தினேஷ் 2 முறை தற்கொலைக்கு முயன்றதாகவும் கூறப்படுகிறது.

இந்த நிலையில் நேற்று முன்தினம் இரவு தினேஷ் மது குடித்து விட்டு வீட்டுக்கு வந்ததை தாய் கண்டித்துள்ளார். இதையடுத்து நேற்று காலை வீட்டுக்கு அருகே தென்னந்தோப்பில் உள்ள ஒரு மாமரத்தில் தினேஷ் சேலையால் தூக்குப்போட்டு தற்கொலை செய்து கொண்டார். தகவல் அறிந்து சம்பவ இடத்துக்கு சென்ற பரமத்திவேலூர் போலீசார் தினேசின் உடலை மீட்டு வேலூர் அரசு மருத்துவமனையில் பிரேத பரிசோதனைக்காக அனுப்பி வைத்தனர். இந்த சம்பவம் குறித்து வேலூர் போலீசார் வழக்குப்பதிவு செய்து விசாரணை நடத்தி வருகின்றனர்.