சேத்தியாத்தோப்பு அருகே வாலிபர் தூக்குப்போட்டு தற்கொலை

சேத்தியாதோப்பு,

சேத்தியாத்தோப்பு அருகே உள்ள பெரியக்குப்பம் கிராமத்தை சேர்ந்தவர் அஞ்சாப்புலி மகன் கலைச்செல்வன்(வயது 24). இவர் கடந்த சில நாட்களுக்கு மது அருந்திவிட்டு வீட்டுக்கு சென்றுள்ளார். இதை அவருடைய குடும்பத்தினர் கண்டித்துள்ளனர். இதனால் மனமுடைந்த கலைச்செல்வன், வீட்டில் தூக்குப்போட்டு கொண்டார். இதைபார்த்த உறவினர்கள் கலைச்செல்வனை மீட்டு சிகிச்சைக்காக சிதம்பரம் அரசு ஆஸ்பத்திரியில் சேர்த்தனர். அங்கு டாக்டர்கள் தீவிர சிகிச்சை அளித்தும் பலனின்றி கலைச்செல்வன் பரிதாபமாக உயிரிழந்தார். இதுகுறித்த புகாரின்பேரில் சேத்தியாத்தோப்பு போலீசார் வழக்குப்பதிவு செய்து விசாரணை நடத்தி வருகின்றனர்.