ஜோலார்பேட்டை போலீஸ் நிலையத்தில் போலீஸ் சூப்பிரண்டு திடீர் ஆய்வு

ஜோலார்பேட்டை போலீஸ் நிலையத்தில் மாவட்ட போலீஸ் சூப்பிரண்டு ஆல்பர்ட் ஜான் நேற்று திடீர் ஆய்வு மேற்கொண்டார்.

அப்போது பதிவேடுகளை தணிக்கை செய்தார். மேலும் அரசு பதிவேடு ஆவணங்கள் முறையாக பின்பற்றப்படுகிறதா என்பதையும், ஆயுத அறையில் வைக்கப்பட்டுள்ள துப்பாக்கிகள் அவ்வப்போது பராமரிப்பு செய்யப்படுகிறதா என்பதையும் சப்-இன்ஸ்பெக்டர் பிரபு மற்றும் போலீசாரிடம் கேட்டறிந்தார்.

தொடர்ந்து போலீசாரின் குறைகள் குறித்தும் குடியிருப்பு பகுதியில் உள்ள குறைபாடுகள் குறித்தும் கேட்டறிந்தார்.

இதனைத்தொடர்ந்து விபத்துகளை தடுக்கும் விதமாக ஜோலார்பேட்டை போலீஸ் நிலைய எல்லைக்குட்பட்ட தாமலேரிமுத்தூர் மேம்பாலம், ஜோலார்பேட்டை ஜங்ஷன், சந்தைக்கோடியூர், பொன்னேரி, மண்டலவாடி, கேத்தாண்டப்பட்டி, பச்சூர், உள்ளிட்ட 7 இடங்களில் ஒளிரும் எச்சரிக்கை விளக்குகள் பொருத்தப்பட்டுள்ளதை கண்காணித்தார்.

பின்னர் வாணியம்பாடி, ஆம்பூர் உள்ளிட்ட பகுதிகளில் பொருத்தப்பட்டுள்ள ஒளிரும் எச்சரிக்கை விளக்குகளை அவர் பார்வையிட்டு ஆய்வு செய்தார்.