லண்டனில் இருந்து சென்னை வந்தடைந்தார் தமிழக பா.ஜ.க. தலைவர் அண்ணாமலை

சென்னை,

தமிழக பா.ஜ.க. தலைவர் அண்ணாமலை இங்கிலாந்தில் சுற்றுப்பயணம் செய்து அங்கு நடைபெற்ற பல்வேறு நிகழ்ச்சிகளில் கலந்து கொண்டார். அங்குள்ள முருகன் கோவிலில் தரிசனம் செய்த அண்ணாமலை, லண்டனில் வாழும் தமிழர்களை சந்தித்து பேசினார்.

தொடர்ந்து இங்கிலாந்து நாடாளுமன்றத்தில் உள்ள ஹவுஸ் ஆப் லார்ட்ஸ் அரங்கத்தில் பிரிட்டன் தமிழ்சங்கம் சார்பில் ஏற்பாடு செய்திருந்த நிகழ்வு ஒன்றில் அண்ணாமலை பங்கேற்றார். இந்த நிகழ்ச்சியில் பேசிய அவர், இலங்கை தமிழர்களுக்கு சம உரிமை வழங்கும் 13-ம் சட்டத் திருத்தத்தை முழுமையாக நடைமுறைப்படுத்துவதே இலங்கைப் பிரச்சினைக்கு நிரந்தர தீர்வாக அமையும் என்று தெரிவித்தார்.

இந்நிலையில் அண்ணாமலை தனது இங்கிலாந்து பயணத்தை முடித்துக் கொண்டு தமிழ்நாட்டிற்கு திரும்பினார். லண்டனில் இருந்து விமானம் மூலம் சென்னை விமான நிலையத்திற்கு வந்திறங்கிய அவரை பா.ஜ.க.வினர் உற்சாகமாக வரவேற்றனர்.