வாகனம் மோதி டாஸ்மாக் ஊழியர் பலி

தூத்துக்குடி அருகே உள்ள முடிவைத்தானேந்தலை சேர்ந்தவர் காளிமுத்து (வயது 48). டாஸ்மாக் ஊழியர். இவர் பழம் வியாபாரமும் செய்து வந்ததாக கூறப்படுகிறது. இவர் நேற்று காலையில் பொட்டலூரணி விலக்கு அருகே சென்று கொண்டு இருந்த போது, அந்த வழியாக வந்த அடையாளம் தெரியாத வாகனம் காளிமுத்து மீது மோதிவிட்டு நிற்காமல் சென்று விட்டது. இதில் பலத்த காயம் அடைந்த அவர் சம்பவ இடத்திலேயே பரிதாபமாக இறந்தார்.

இது குறித்த புகாரின் பேரில் புதுக்கோட்டை போலீசார் வழக்கு பதிவு செய்து விசாரணை நடத்தி வருகின்றனர்.