டெய்லர் தூக்குபோட்டு தற்கொலை

சாயர்புரம்:

சாயர்புரம் ஏற்காடு தெருவை சேர்ந்த பாலகிருஷ்ணன் மகன் மாதவன் (வயது 50). இவர் டெய்லர் தொழில் செய்து வந்தார். இவர் 10 ஆண்டுகளாக காசநோய் மற்றும் பக்கவாதத்தால் வாய் பேச முடியாமல் அவதிப்பட்டு வந்து உள்ளார். இதனால் அவர் கடும் மனஉளைச்சலுக்கு ஆளாகி இருந்ததாக கூறப்படுகிறது. சம்பவத்தன்று மகன்கள் வேலைக்கு சென்றுவிட்டனர். இவரது மனைவி தூத்துக்குடிக்கு சென்று விட்டு, வீட்டுக்கு வந்துள்ளார். அப்போது மாதவன் சமையல் அறையில் கயிற்றில் தூக்கிட்டு பிணமாக தொங்கியுள்ளார். இதை பார்த்து அதிர்ச்சி அடைந்த அவர் போட்ட கூச்சல் கேட்டு அக்கம் பக்கத்தினர் தூக்கில் பிணமாக தொங்கிய மாதவன் உடலை இறக்கியுள்ளனர். இதுகுறித்து சாயர்புரம் போலீசாரிடம் அவரது மனைவி சுஜாதா புகார் அளித்தார். இதன் பேரில் சம்பவ வீட்டுக்கு வந்த சாயர்புரம் போலீஸ் சப்-இன்ஸ்பெக்டர் ராஜேந்திரன் இறந்த மாதவன் உடலை மீட்டு பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தார். மேலும் இதுகுறித்து சாயர்புரம் போலீசார் வழக்குப்பதிவு செய்து விசாரணை நடத்தி வருகின்றனர்.