கஞ்சா விற்ற வாலிபர் கைது

செஞ்சி

கெடார் போலீஸ் சப்-இன்ஸ்பெக்டர்கள் விவேகானந்தன், சத்யானந்தம் மற்றும் போலீசார் அதனூர் பகுதியில் தீவிர ரோந்து பணியில் இருந்தனர். அப்போது அங்குள்ள பஸ் நிறுத்தம் அருகே சந்தேகத்திற்கு இடமாக நின்று கொண்டிருந்த வாலிபரை போலீசார் பிடித்து விசாரணை செய்தனர். விசாரணையில் அவர் அதே பகுதியை சேர்ந்த சக்திவேல் மகன் பாரதிதாசன்(வயது 22) என்பதும், கஞ்சா விற்பனைக்காக நின்று கொண்டிருந்ததும் தெரியவந்தது. இதையடுத்து அவரை கைது செய்த போலீசார் அவரிடம் இருந்த 130 கிராம் கஞ்சாவை பறிமுதல் செய்தனர்.