மளிகை கடையில் திருடிய வாலிபர் கைது

ஓமலூர்:

காமலாபுரம் காட்டூர் பகுதியை சேர்ந்தவர் முகமது அன்சாரிகான் (வயது 47). இவர் தனது வீட்டின் ஒரு பகுதியில் மளிகை கடை நடத்தி வருகிறார். கடந்த 2 மாதங்களுக்கு முன்பு கடையின் கதவை உடைத்து, ரூ.40 ஆயிரம் பணம் திருடப்பட்டது. இதுகுறித்து ஓமலூர் போலீசில் புகார் அளிக்கப்பட்டது. அதன்பேரில் போலீசார் வழக்குப்பதிவு செய்து விசாரணை நடத்தினர். அதில் தர்மபுரி மாவட்டம் நல்லம்பள்ளியை சேர்ந்த சிவக்குமார் மகன் சர்வான் (20) மளிகை கடையில் திருடியது தெரியவந்தது. இதையடுத்து போலீசார் வாலிபர் சர்வானை கைது செய்தனர்.