தொழிலாளிக்கு கொலைமிரட்டல் விடுத்த வாலிபர் கைது

ஸ்ரீவைகுண்டம்:

முறப்பநாடு, பாறைக்காடு பகுதியை சேர்ந்த கர்ணன் மகன் வைகுண்ட நாராயணன் (வயது 25). இவர், மதுபோதையில் வல்லநாடு பஜாரிலுள்ள ஒரு கடை முன்பு நின்று கொண்டிருந்தார். அப்போது அந்த வழியாக வந்த தொழிலாளி ஒருவரை வழிமறித்து பணம் கேட்டு தகராறு செய்துள்ளார். அவர் தன்னிடம் பணம் இல்லை என்று கூறியதால், கொலை மிரட்டல் விடுத்துள்ளார். இதுகுறித்த புகாரின் பேரில் முறப்பநாடு போலீஸ் இன்ஸ்பெக்டர் தில்ை நாகராஜ், சப்-இன்ஸ்பெக்டர் சதீஷ் ஆகியேர் வழக்குப்பதிவு செய்து அவரை கைது செய்தனர். கைது செய்யப்பட்ட வைகுண்ட நாராயணன் மீது ஏற்கனவே முறப்பநாடு போலீஸ் நிலையத்தில் 2 வழக்குகள் நிலுவையில் இருப்பது குறிப்பிடத்தக்கது.