வாலிபர் தூக்குப்போட்டு தற்கொலை

மெஞ்ஞானபுரம்:

மெஞ்ஞானபுரம் அருகே உள்ள மெய்யூர் சுப்பிரமணியபுரம் கிழக்கு தெருவைச் சேர்ந்தவர் நடராஜன் (வயது 53). காய்கறி வியாபாரியான இவருக்கு மனைவி, இரண்டு மகன்கள் மற்றும் ஒரு மகள் உள்ளனர். இவர்களில் 2-வது மகன் சந்துரு (17). ஐ.டி.ஐ. முடித்துள்ளார்.

இந்த நிலையில் நேற்று முன்தினம் அதிகாலை சந்துரு தவிர அனைவரும் குற்றாலம் சென்று விட்டனர். இதனால் வீட்டில் தனியாக இருந்த சந்துரு நெல்லையில் உள்ள தனது நண்பரிடம் தற்கொலை செய்து கொள்ள போவதாக போனில் தகவல் தெரிவித்துள்ளார். தகவலின் பேரில் நண்பர்கள் மற்றும் உறவினர்கள் சென்று பார்த்தபோது வீட்டின் கதவு பூட்டப்பட்டிருந்தது. பின்னர் கதவை உடைத்து உள்ளே சென்று பார்த்தபோது சந்துரு, விட்டத்தில் உள்ள மின்விசிறியில் தூக்குப்போட்டு தற்கொலை செய்து கொண்டது தெரியவந்தது. இதுகுறித்த புகாரின்பேரில் மெஞ்ஞானபுரம் போலீசார் வழக்குப்பதிவு செய்தனர். அவரது உடலை கைப்பற்றி பரிசோதனைக்காக திருச்செந்தூர் அரசு ஆஸ்பத்திரிக்கு அனுப்பி வைத்து விசாரணை நடத்தி வருகின்றனர்.