அரசு பஸ் மோதி வாலிபர் சாவு

தூத்துக்குடி மாப்பிள்ளையூரணி பிள்ளையார்கோவில் தெருவை சேர்ந்தவர் பாலசுப்பிரமணியன். இவருடைய மகன் வேல்முருகன் (வயது 39). இவர் நேற்று முன்தினம் தூத்துக்குடிக்கு வந்து விட்டு மீண்டும் வீட்டுக்கு மோட்டார் சைக்கிளில் சென்று கொண்டு இருந்தாராம். அவர் எட்டயபுரம் ரோட்டில் சென்ற போது, பின்னால் வந்த அரசு பஸ் மோதியதில் மோட்டார் சைக்கிளில் இருந்து வேல்முருகன் தூக்கி வீசப்பட்டார். இதில் பலத்த காயம் அடைந்த அவர் சம்பவ இடத்திலேயே பரிதாபமாக இறந்தார். இது குறித்த புகாரின் பேரில் சிப்காட் போலீசார் வழக்கு பதிவு செய்து விசாரணை நடத்தி வருகின்றனர்.