மோட்டார் சைக்கிளில் இருந்து தவறி விழுந்து வாலிபர் சாவு

திட்டச்சேரி:

திருமருகல் அருகே மோட்டார் சைக்கிளில் இருந்து தவறி விழுந்து வாலிபர் இறந்தார்.

தவறி விழுந்தார்

நாகை மாவட்டம் திருமருகல் அருகே உள்ள பாக்கம்கோட்டூர் மேலத்தெருவை சேர்ந்தவர் ரவி மகன் கார்த்திக் (வயது22). இவர் சம்பவத்தன்று இரவு பாக்கம்கோட்டூரில் இருந்து வடகரைக்கு தனது மோட்டார் சைக்கிளில் வந்து கொண்டிருந்தார். பாக்கம்கோட்டூரில் உள்ள வங்கி அருகே வந்தபோது மோட்டார் சைக்கிளில் இருந்து எதிர்பாராதவிதமாக கார்த்திக் தவறி கீழே விழுந்தார். இதில் தலையில் பலத்த காயம் அடைந்த அவரை அக்கம் பக்கத்தினர் மீட்டு நன்னிலம் அரசு ஆஸ்பத்திரிக்கு 108 ஆம்புலன்ஸ் மூலம் அனுப்பி வைத்தனர்.

அங்கு அவரை பரிசோதனை செய்த டாக்டர் கார்த்திக் ஏற்கனவே இறந்து விட்டதாக கூறியுள்ளார்.

போலீசார் விசாரணை

இதுகுறித்து தகவல் அறிந்த திருக்கண்ணபுரம் போலீஸ் சப்-இன்ஸ்பெக்டர் ரவி மற்றும் போலீசார் கார்த்திக் உடலை கைப்பற்றி திருவாரூர் அரசு மருத்துவக் கல்லூரி ஆஸ்பத்திரிக்கு அனுப்பி வைத்தனர். மேலும் இதுகுறித்து போலீசார் வழக்குப்பதிவு செய்து விசாரித்து வருகின்றனர்.