மோட்டார் சைக்கிள் மீது வாகனம் மோதி வாலிபர் பலி

கரூர் மாவட்டம், அரவக்குறிச்சி அருகே உள்ள புத்தாம்புதூரை சேர்ந்தவர் சுந்தரம். இவருடைய மகன் தினேஷ் (வயது 22). இவர் புகழூரில் உள்ள காகித ஆலையில் ஒப்பந்த தொழிலாளராக வேலை பார்த்து வந்தார். இந்தநிலையில் சம்பவத்தன்று தினேஷ் தனது மோட்டார் சைக்கிளில் சேலம் -மதுரை பைபாஸ் சாலையில் கரூர் சுக்காலியூர் அருகே சென்று கொண்டிருந்தார்.

அப்போது அந்த வழியாக அடையாளம் தெரியாத வாகனம் ஒன்று தினேஷ் ஓட்டி வந்த மோட்டார் சைக்கிள் மீது மோதியது. இதில் மோட்டார் சைக்கிளில் இருந்து தூக்கி வீசப்பட்ட தினேஷ் சம்பவ இடத்திலேயே பரிதாபமாக இறந்தார்.

ேபாலீசார் விசாரணை

இதைக்கண்ட அந்த வழியாக சென்றவர்கள் பசுபதிபாளையம் போலீசாருக்கு தகவல் தெரிவித்தனர். அதன்பேரில் போலீஸ் இன்ஸ்பெக்டர் விதின்குமார் தலைமையிலான போலீசார் சம்பவ இடத்திற்கு வந்தனர். பின்னர் தினேஷின் உடலை கைப்பற்றி பிரேத பரிசோதனைக்காக கரூர் அரசு மருத்துவக்கல்லூரி மருத்துவமனைக்கு அனுப்பி வைத்தனர். இதையடுத்து போலீசார் வழக்குப்பதிந்து விபத்தை ஏற்படுத்தி விட்டு நிற்காமல் சென்ற வாகனத்தை தேடி வருகின்றனர்.