மினிலாரி மோதி வாலிபர் பலி

ஜோலார்பேட்டை

திருப்பத்தூர் மாவட்டம் நாட்டறம்பள்ளியை அடுத்த பச்சூர் பழையபேட்டை பகுதியை சேர்ந்தவர் லிங்கப்பன். இவரது மகன் சதீஷ்சர்மா (வயது 30), வெளிநாட்டில் வேலை செய்து வந்தார்.

இவர், கடந்த 15 நாட்களுக்கு முன்பு விடுமுறையில் சொந்த ஊருக்கு வந்தார்.

நேற்று இரவு சதீஷ்சர்மா மோட்டார் சைக்கிளில் பச்சூர் ரெயில்வே கேட் அருகே உள்ள சாலையில் சென்ற போது, அந்த வழியாக வந்த மினிலாரி திடீரென மோட்டார் சைக்கிள் மீது மோதியது.

இதில், அவர் சம்பவ இடத்திலேயே பரிதாபமாக உயிரிழந்தார்.

இதுகுறித்து தகவல் அறிந்ததும் நாட்டறம்பள்ளி போலீஸ் இன்ஸ்பெக்டர் மலர், சப்-இன்ஸ்பெக்டர் நந்தகுமார் மற்றும் போலீசார் சம்பவ இடத்திற்கு சென்று உடலை கைப்பற்றி பிரேத பரிசோதனைக்காக திருப்பத்தூர் அரசு மருத்துவமனைக்கு அனுப்பி வைத்தனர்.

இதற்கிடையில் விபத்தை ஏற்படுத்திவிட்டு நிற்காமல் சென்ற மினி லாரியை பொதுமக்கள் மடக்கி பிடித்து போலீசில் ஒப்படைத்தனர். பின்னர் டிரைவரிடம் விசாரணை நடத்தியதில், சித்தூர் மாவட்டம் குப்பம் பகுதியை சேர்ந்த வெங்கடாசலம் மகன் வெங்கடேஷ் (வயது 31) என்பது தெரியவந்தது.

இதுகுறித்து நாட்டறம்பள்ளி போலீசார் வழக்குப்பதிவு செய்து, டிரைவர் வெங்கடேசை கைது செய்தனர்.