வாகனம் மோதி வாலிபர் பலி

திருமயம் அருகே உள்ள ராங்கியம் ஜெயந்தி காலனியை சேர்ந்தவர் முருகன். இவரது மகன் சின்னையா (24). இவர் நேற்று முன்தினம் அதிகாலை திருமயம் பாம்பாற்று பாலம் அருகே நடந்து சென்று கொண்டிருந்தார். அப்போது அந்த வழியாக சென்ற வாகனம் ஒன்று அவர் மீது மோதியது. இதில், படுகாயம் அடைந்த சின்னையா சம்பவ இடத்திலேயே பரிதாபமாக இறந்தார். இந்த விபத்து குறித்து திருமயம் போலீசார் வழக்குப்பதிவு செய்து விசாரணை நடத்தி வருகிறார்கள்.