வாகனம் மோதி வாலிபர் பலி

பனமரத்துப்பட்டி:-

சேலம்- கோவை பைபாஸ் சாலையில் சீரகாபாடி- கொம்பாடிப்பட்டி பிரிவு அருகே பெட்ரோல் பங்க் எதிரே நேற்று முன்தினம் இரவு சாலையில் வாலிபர் ஒருவர் இறந்து கிடப்பதாக ஆட்டையாம்பட்டி போலீசாருக்கு தகவல் கிடைத்தது. சம்பவ இடத்துக்கு சென்ற போலீசார் அந்த உடலை மீட்டு பிரேத பரிசோதனைக்கு அனுப்பி வைத்தனர். விபத்து குறித்து போலீசார் விசாரணை நடத்தினர். விசாரணையில், இறந்தவர் கொண்டலாம்பட்டி அருகே நெய்காரப்பட்டி லட்சுமி நகரை சேர்ந்த சண்முகம் மகன் குணா (வயது 20) என்பதும், இவர் பந்தல் மற்றும் பேனர்கள் அமைக்கும் கூலி வேலைக்கு சென்று வந்ததும் தெரிய வந்தது. அவர், வேலைக்கு செல்வவதாக கூறி சென்றவர், அடையாளம் தெரியாத வாகனம் மோதி பலியானது தெரிய வந்தது. இதுகுறித்த புகாரின் பேரில் ஆட்டையாம்பட்டி போலீஸ் இன்ஸ்பெக்டர் அம்சவல்லி வழக்குப்பதிவு செய்து மேல் விசாரணை நடத்தினார்.