வாலிபருக்கு கத்திக்குத்து; 5 பேர் கைது

மதுரை ஜெய்ஹிந்த்புரம் அண்ணா மெயின்ரோட்டை சேர்ந்தவர் கார்த்திகேயன் என்ற மன்னர் கார்த்தி (வயது28). இவர் ஜெய்ஹிந்த்புரம் நேதாஜி தெருவில் உள்ள மண்டபம் அருகே நடந்து சென்றார். அப்போது அங்கு வந்த 6 பேர் கொண்ட கும்பல் அவரை வழிமறித்து தகராறு செய்தது. பின்னர் அந்த கும்பல் கார்த்திகேயனை கத்தியால் குத்திவிட்டு, மோட்டார் சைக்கிளை சேதப்படுத்தி தப்பியது. இது குறித்த புகாரின் பேரில் ஜெய்ஹிந்த்புரம் போலீசார் வழக்குப்பதிவு செய்து சதீஷ், குட்டமணி, ஆந்தை மணி, ராகுல், குண்டுவிஜய் ஆகிய 5 பேரை கைது செய்தனர்.விசாரணையில் கார்த்திகேயன், சுதந்திர போராட்ட வீரர் நேதாஜி சுபாஷ் சந்திரபோசை அவமரியாதையாக பேசினாராம். இதனால் ஆத்திரம் அடைந்த கும்பல் அவரை கத்தியால் குத்தியது தெரியவந்தது.