பைரவருக்கு தேய்பிறை அஷ்டமி வழிபாடு

மங்களமேடு:

பெரம்பலூர் மாவட்டம், வாலிகண்டபுரத்தில் உள்ள வாலீஸ்வரர் கோவிலில் தேய்பிறை அஷ்டமி வழிபாடு நேற்று நடந்தது. இதையொட்டி மாலையில் பைரவருக்கு பல்வேறு வாசனை திரவியங்களால் அபிஷேகம் நடத்தப்பட்டு, சிறப்பு அலங்காரம் செய்யப்பட்டு, தீபாராதனை காட்டப்பட்டது. இதில் திரளான பக்தர்கள் கலந்து கொண்டு பைரவரை வழிபட்டனர். இதேபோல் மாவட்டத்தில் உள்ள சிவன் கோவில்களில் பைரவருக்கு தேய்பிறை அஷ்டமி வழிபாடு நடந்தது.