பொம்மிடியில் புனித அந்தோணியார் ஆலய தேர்பவனி

பாப்பிரெட்டிப்பட்டி:

பொம்மிடியில் புனித அந்தோணியார் ஆலய திருவிழா நடந்தது. இதையடுத்து ஆலய வளாகத்தில் சேலம் மறைமாவட்ட முன்னாள் ஆயர் சிங்கராயன் கொடியேற்றி திருவிழாவை தொடங்கி வைத்தார். இதையடுத்து தினமும் குணமளிக்கும் நற்கருணை ஆராதனை, நவநாள் திருப்பலி, தியானம், அந்தோணியாரின் வாழ்க்கை வரலாறு நாடகம் நடந்தது. நேற்று முன்தினம் தர்மபுரி மறைமாவட்ட ஆயர் லாரன்ஸ் பயஸ், ஆடம்பர திருவிழா திருப்பலி நிறைவேற்றி வைத்தார். தொடர்ந்து புனித அந்தோணியாரின் தேர்பவனி நடந்தது. இந்த தேர்பவனி பொம்மிடியில் முக்கிய வீதிகள் வழியாக சென்றது. இதில் ஏராளமான கிறிஸ்தவர்கள் கலந்து கொண்டனர். திருவிழா ஏற்பாடுகளை பங்கு தந்தை அந்தோணிசாமி மற்றும் விழாக்குழுவினர் செய்திருந்தனர்.