வாய்க்காலில் கார் கவிழ்ந்தது

சீர்காழி அருகே வாய்க்காலில் கார் கவிழ்ந்தது.

வாய்க்காலில் கார் கவிழ்ந்தது

மயிலாடுதுறை மாவட்டம் சீர்காழி தாலுகா பல்லாவனம் பகுதியை சேர்ந்தவர் ரவீந்திரன்(வயது46). நேற்று இவர் தனது தந்தை இறந்த கர்ம காரிய பத்திரிக்கை வைப்பதற்காக தனது காரில் திருமுல்லைவாசல் கிராமத்திற்கு சென்றுள்ளார். பத்திரிக்கை வைத்து விட்டு ரவீந்திரன் சீர்காழிக்கு வந்து கொண்டிருந்தார். அப்போது எடமணல் வளைவில் எதிரே வந்த வாகனத்திற்கு வழி விடுவதற்காக சாலை ஓரத்தில் சென்றார். இதில் கார் கட்டுப்பாட்டை இழந்து சாலை ஓரத்தில் இருந்த வாய்க்காலில் கவிழ்ந்து தண்ணீரில் மூழ்கியது.

விசாரணை

இதனை கண்டதும் அருகில் இருந்தவர்கள் ஓடிவந்து காரின் உள்ளே இருந்த ரவீந்திரனை மீட்டு சிகிச்சைக்காக சீர்காழி அரசு ஆஸ்பத்திரிக்கு அனுப்பி வைத்தனர்.

இதுகுறித்து சீர்காழி போலீசார் விசாரணை நடத்தி வருகின்றனர். வாய்க்காலில் கார் கவிழ்ந்து விபத்துக்குள்ளான சம்பவம் அப்பகுதியில் பெரும் பரபரப்பை ஏற்படுத்தியது.