மோட்டார் சைக்கிளில் இருந்து தவறி விழுந்த டிரைவர் சாவு

சேந்தமங்கலம்

டிரைவர்

சேந்தமங்கலம் அருகே உள்ள நடுக்கோம்பை ஊராட்சி மிதிகுண்டு கிராமத்தை சேர்ந்தவர் சிவக்குமார் (வயது 29). லாரி டிரைவர். இவரது மனைவி கோமதி. இவர்களுக்கு அஜய் (9) என்ற மகன் உள்ளான். இந்தநிலையில் நேற்று சிவக்குமார் காளப்பநாயக்கன்பட்டி அருகே உள்ள சுட்டபாறை மேடு பகுதிக்கு சென்று விட்டு மோட்டார் சைக்கிளில் வீடு திரும்பி கொண்டிருந்தார்.

அப்போது அவர் எதிர்பாராத விதமாக மோட்டார் சைக்கிளில் இருந்து நிலை தடுமாறி அங்குள்ள பாலம் அருகே தவறி விழுந்தார். பலத்த காயம் அடைந்த அவரை அந்த வழியாக சென்றவர்கள் மீட்டு 108 ஆம்புலன்ஸ் மூலம் சேந்தமங்கலம் அரசு மருத்துவமனையில் சிகிச்சைக்காக சேர்த்தனர்.

சாவு

அங்கு அவரை பரிசோதனை செய்த டாக்டர்கள் சிவக்குமார் ஏற்கனவே இறந்து விட்டதாக தெரிவித்தனர். அதைகேட்ட அவரது குடும்பத்தினர் கதறி அழுதனர். அந்த சம்பவம் குறித்து சேந்தமங்கலம் போலீசார் வழக்குப்பதிவு செய்து சிவக்குமாரின் உடலை கைப்பற்றி பிரேத பரிசேதானைக்காக அனுப்பி வைத்தனர். மேலும் இதுகுறித்து போலீசார் விசாரணை நடத்தி வருகின்றனர்.