பஸ் சக்கரத்தில் சிக்கி டிரைவர் பலி

திருவண்ணாமலை மாவட்டம் கலசபாக்கத்தை அடுத்த கீழ்தாங்கல் கிராமத்தை சேர்ந்தவர் ராஜா (வயது 32), வேன் டிரைவர். இவர், போளூரில் இருந்து திருவண்ணாமலை நோக்கி மோட்டார் சைக்கிளில் வந்து கொண்டிருந்தார். கலசபாக்கம் அருகே உள்ள கரையாம்பாடி பகுதியில் வரும் போது திடீரென மோட்டார் சைக்கிள் இருந்து ராஜா நிலைதடுமாறி கீழே விழுந்தார்.

அப்போது வேலூரில் இருந்து திருவண்ணாமலை நோக்கி வந்த தனியார் பஸ் சக்கரத்தில் சிக்கி ராஜா சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்ததும் கலசபாக்கம் போலீசார் சம்பவ இடத்திற்கு சென்று ராஜாவின் உடலை கைப்பற்றி பிரேத பரிசோதனைக்காக திருவண்ணாமலை அரசு மருத்துவமனைக்கு அனுப்பி வைத்தனர்.

இதுதொடர்பாக போலீசார் வழக்குப்பதிவு செய்து விசாரணை நடத்தி வருகின்றனர். விபத்தில் இறந்த ராஜாவுக்கு மகாலட்சுமி என்ற மனைவியும், ஒரு மகளும், மகனும் உள்ளனர்.