கஞ்சா விற்றவர் சிக்கினார்

சங்கரன்கோவில்:

சங்கரன்கோவில் அருகே உள்ள கரிவலம்வந்தநல்லூர் போலீஸ் சப்-இன்ஸ்பெக்டர் ராமச்சந்திரன் ஒத்தக்கடை பகுதியில் ரோந்து பணியில் ஈடுபட்டார். அப்போது அந்த வழியாக வந்த ஒருவர், அவரை பார்த்ததும் தப்பி ஓடினார். உடனே அந்த நபரை விரட்டி பிடித்து விசாரணை நடத்தியதில், அவர் வைத்திருந்த பையில் 150 கிராம் கஞ்சா இருப்பது தெரியவந்தது. மேலும் அவர் சத்திரப்பட்டியை சேர்ந்த சின்னசாமி (வயது 60) என்பதும் தெரியவந்தது. இதையடுத்து கரிவலம்வந்தநல்லூர் போலீசார் வழக்குப்பதிவு செய்து, சின்னசாமியை கைது செய்தனர். அவரிடம் இருந்து 150 கிராம் கஞ்சா மற்றும் கஞ்சா விற்று வைத்திருந்த பணம் ரூ.2,500 பறிமுதல் செய்யப்பட்டது.